ശംഖ്‌ ഞണ്ടുകൾ (Shankhu njandukal )/ Hermit crab
ശംഖ്‌കൾക്കുള്ളിൽ വസിക്കുന്ന ഞണ്ടുകൾ ആയതിനാലാണ് ഇവയെ ശംഖ് ഞണ്ടുകൾ എന്ന് വിളിക്കുന്നത്. ഇതിനപ്പുറം കടൽപ്പണി സമൂഹത്തിന് ഈ ഞണ്ടുകളെ പറ്റി കൂടുതലായി അറിയില്ല. സാധാരണ ഞണ്ടുകൾക്ക് അവയുടെ ശരീരം പൊതിഞ്ഞു കട്ടിയുള്ള തൊടുണ്ട്. ഇവയ്ക്ക് അതില്ല. മൃദുവായ ശരീരമുള്ള ഈ ഞണ്ടുകൾ ശഖ്‌കളുടെ ഒഴിഞ്ഞ കട്ടിയുള്ള തോടുകൾക്കുള്ളിൽ ജീവിക്കുന്നു. ശംഖിനുള്ളിൽ പറ്റിയിരിക്കുകയും കാലുകൾ നിലത്തൂന്നി സഞ്ചരിക്കുകയും ചെയ്യുന്ന കടലിനടിയിലെ വീഡിയോ എഫ് എം എൽ പകർത്തിയിട്ടുണ്ട്. പ്രതികൂല സാഹചര്യമുണ്ടാകുമ്പോൾ അവ ശംഖിനുള്ളിൽ ശരീരം മുഴുവൻ ഒളിപ്പിച്ച് വെറുതെ കിടക്കുന്നതിലൂടെ ഇരപിടിയന്മാരിൽ നിന്നും രക്ഷപ്പെടാൻ കഴിയും. ശരീരം വളരുന്നതനുസരിച്ച് ഇവ പുതിയ കവചമായി വലിയ ശംഖ്‌കളെ തിരഞ്ഞെടുക്കും. തിരുവനന്തപുരത്ത് വർക്കല,വിഴിഞ്ഞം മേഖലകളിൽ ഇവയെ ധാരാളമായി കാണാം.