പോളകൾ (Polakal) / Snapper fishes
പോളകൾ
പാരുകളിലെ സ്ഥിരവാസികളായ മത്സ്യങ്ങളിൽ ഒന്നാണിത്.
തീരത്തോട് ചേർന്ന ബ്രേക്ക് വാട്ടർ ഹാബിറ്റാറ്റ്സ് മുതൽ ആഴക്കടൽ പാരുകളിൽ വരെ പോളകളേ കാണാം. പോള, വരപ്പോള, പല്ലൻ പോള, പെലപ്പോള എന്നിങ്ങനെ വിവിധതരത്തിലുള്ള പോളകൾ ഉണ്ട്. വലിയ കൂട്ടമായി ജീവിക്കുന്ന ചില ഇനങ്ങൾ മുതൽ ചെറു കൂട്ടമായും ഒറ്റപ്പെട്ടും ജീവിക്കുന്നവ ഇവർക്കിടയിൽ ഉണ്ട്. ഇവയ്ക്ക് ശരാശരി 20 സെന്റീമീറ്റർ മുതൽ 35 സെന്റീമീറ്റർ വരെ വലിപ്പം വരും. പരമ്പരാഗത പാര് മീൻപിടിത്തക്കാർ പാരുകളിൽ എത്തുമ്പോൾ ആദ്യം ചെറിയ ചൂണ്ടയിൽ ഇരവിട്ട് ഏതാനും പോളകളെ പിടിക്കും. അങ്ങനെ ചെയ്യുന്നത് അത് പാരാണെന്ന് ഒന്നുകൂടി ഉറപ്പുവരുത്താനാണ്. തുടർന്നവർ വലിയ ചൂണ്ടയിൽ ഇരകോർത്തുവിട്ട് വലിയ ഇരപിടിയൻ മത്സ്യങ്ങളെ പിടിക്കും. അതിനാൽ പരമ്പരാഗത പാരുമീൻപിടിത്തക്കാർ പോളകളെ അധികം പിടിച്ചെടുത്തിരുന്നില്ല. എന്നാൽ ഇന്ന് പാരുകളിൽ ലൈറ്റും വലകളും ഉപയോഗിച്ചുള്ള മീൻപിടുത്തം വർദ്ധിച്ചപ്പോൾ പോളകളെയും മൊത്തത്തിൽ പിടിച്ചെടുക്കുന്ന രീതിയായി മാറി.
vernacular Name: പല്ലൻ പോള(Pallan pola)
Organism Common Name : Snapper
Scientific Name: Unidentfiied
