വെള്ളച്ചിപ്പി. (Vellachippi ) - Oyster
ഈ ഇനത്തിൽപ്പെട്ട ചിപ്പികളെ കോവളം കടലിലേക്ക് തള്ളി നിൽക്കുന്ന പാറക്കൂട്ടങ്ങൾക്കിടയിൽ കാണാം. ഇവയുടെ പുറം തോടിന് ഏതാണ്ട് വെള്ളനിറമായതിനാൽ കടൽ പണിക്കാർ ഇതിനെ വെള്ളച്ചിപ്പി എന്നു വിളിക്കുന്നു. സാധാരണ ചിപ്പികളുടെ തോടിനെക്കാൾ കൂടുതൽ ഉറപ്പുള്ള തോട് ഇതിനുണ്ട്. മുതുവ ചിപ്പിയുടെ അത്ര മുഴുപ്പുള്ള ഇവയുടെ മാംസം ഭക്ഷ്യയോഗ്യമാണ്. എന്നാൽ പാറകളിൽ നിന്നും ഇവയെ ചെത്തിയെടുക്കാൻ പാടായത്തിനാൽ അധികമാരും മിനക്കേടാറില്ല.കടലിന്റെ പാതി മുങ്ങി നിൽക്കുന്ന പാറയുടെ ജലനിരപ്പിന് മുകളിലായുള്ള ഭാഗത്തും തൊട്ടടിയിൽ ഉള്ള ഭാഗത്തും ഇവയെ കൂടുതൽ കാണാം.